Ngā Akoranga
Taiao Ako
Kua rumakitia rawatia ngā tamariki e tētahi taiao ako hākoakoa, harikoa, i roto tonu i te reo Māori hoki.
Kua whakaritea Te Puna Reo Ōkahukura he tauira akoranga ka whakawhanake ai te katoa o te ākonga, ka arotahi anō hoki ki ngā whanaketanga a ngā tamariki tonu, ka mutu, ka haumarutia te rohe matawhaiaro, te mana motuhake, te auahatanga me te kuhu a te tamaiti ki te Puna, ki te ao whānui anō hoki.
Ka ngā ngohe whai patanga nui ki tō tātou Puna reo ko te karakia, waiata, haka, pānuitanga, kōrerorero, mahi toi, akoranga tākaro, me ētahi atu mahi hākoakoa.
Kua nui ngā hāpaitanga ki tō tātou Puna reo, e rite ai te taiao o roto, he hirahira, e whai patanga ana, e tipu ai te hākoakoa ki roto i ngā akoranga.
Ka kaha whakatairanga hoki mātoi i te whakaaro, ka āhei te ako ahakoa ki hea. Ka puta ana ki te taiao o waho, ka whakatairanga i te whakaaro tuhura, te whakatōmene, me te taki.
Kua wātea ngā ākonga te whai i o rātou aronga, ka atawhaitia rawatia rātou e ngā kaiako, e whakaū tonu nei i ngā kawa me ngā tikanga o ngā whakaritenga o ia rā.
Te Reo Māori me ngā tikanga Māori
He Puna Reo Pūmau ki a Ngāti Whātua Ōrākei, ā, ko ngā akoranga e hāngai pū ki ngā wawata nui o Ngāti Whātua Ōrākei.
Mā te reo Māori ngā tamariki e ako i o rātou whakapapa, hitōria me ngā kōrero tuku iho o Ngāti Whātua Ōrākei.
He kanohi kitea mātou ki ngā kaupapa Ngāti Whātua Ōrākei, kei runga i tō mātou marae, ki ngā tūtohu whenua, ki ngā kaupapa huhua noa.
Ka whakawhanake ngā ākonga i o rātou hononga mā te uara whanaungatanga me te aroha. I te mea he ariā Māori tēnei, ka pūmau tonu mātou ki te whakaaro nui o te tuakana me te teina.
Ngā tau me ngā taumata
Kua ranea te ingoa Ngā Tupu ki runga i te reanga kōhungahunga, ngā tamariki nohinohi i raro iho i ngā tau e 2.
I ahu amu te ingoa Ngā Tupu mai i te tupu mai o ngā tamariki mai i ngā marama e 6 tau noa ki tō rātou māwhitinga i te hipanga noa o ngā tau e 2.
.jpg)
Ko Te Māra te ingoa kua tukuna atu ki ngā tamariki kei tua atu i ngā tau e 2.
Ko te whakapākehā o te ingoa Te Māra ko te “garden”. Kua tupu ngā tamariki ki roto o Ngā Tupu, inaiānei kua piki ake o rātou wheako e āhei ai rātou te whakatika i o rātou ake māra mā ngā whakaakoranga ā-kura, te whanake i tō rātou ake motuhaketanga, te whakawhānui i o rātou wheako, me te whakamahi i te rautaki ako Tuakana/Teina.