Te Māra
Akoranga ā-kura
Mō ngā tuakana o te Puna reo, ka nui ake ngā ngohe akoranga ā-kura e whakataki ai ngā momo hātepe e taunaki ai te whanaketanga o tō rātou āhei ki te kuhu ki ngā horopaki ā-rōpū. Mā tēnei ara ako, e tīrewa i ngā akoranga me ngā whāinga o roto i Te Whāriki, kia rite ai rātou mō ngā ngohe o taumata kē.
Te Ara Māwhitiwhiti
Ka āta whakaritea te māwhitiwhiti o ngā tamariki mai i te Puna reo, e rongo nei, e mārama ake ngā tamariki ki tō rātou whanake i roto i ngā taumata ako, taiao rānei. Ko ētahi o ēnei rautaki ko te haere ki tētahi rumaki o te takiwā nei, te ū ki ngā hātepe, ne ngā kōrero tuku iho e hāpai ai te mārama o ngā tamariki ki te ara kei roto i ngā whakapapa o Ngāti Whātua Ōrākei e pai ai tō rātou māwhitinga.
Whakawhānui Whēako
Mā te tuku i ngā akoranga huhua noa e āhei ai ngā tamariki te tuhura i ngā pūkenga, whakaaro, me ngā aronga huhua noa. Ka whai wāhi atu te kuhu ki te hapori, ngā akoranga taiao, me te whēako pāhekoheko e hono ai ngā akoranga o te ao kikokiko nei, e kaha ake tō rātou ara ako, me te whakawhānui it ō rātou mārama ki te ao.
Mana Motuhake
He mea nui te whanake i te Motuhaketanga o te tamaiti i ēnei renga ako. Ka waihanga taiao ngā kaiako e āhei ai ngā tamariki te tīpako me te kuhu maromahue nei ki ngā ngohe ako. Tēnei momo whakamana e noho tūāpapa ana i roto i te ara ako Māori, te whakatairanga i te mana motuhake me ngā pūkenga tīpako kei roto i tētahi anga tīrewa ka kitea nuitia i roto i ngā uara ā-hapori o o rātou iwi me o rātou ahurei.
.jpg)
Ara Ako
Te haerere me te puta atu ki waho o te Puna reo, he mahi nui kia whānui ake ngā āehi mō ngā tamariki, kia pā a ringa, kia rongo a waewae i ngā akoranga e whai patanga nui ana ki roto it ō rātou ao. Ko te mātua o ēnei putanga he whakatō i tētahi rongo mahi mātātoa, pakirehua hoki hei hono ki ngā akoranga o te Puna reo ki te hapori, ki te taiao anō hoki.
Tuakana/Teina
He mahi nui tēnei momo o te Māori o tūāukiuki, whāioio e tupu ai te tākohatanga me ngā pūkenga arahi ki roto i ngā tuakana, ā, te tuku hoki he tauira pai mō ngā teina i roto it ō rātou taiao ako. Mā te Tuakana/Teina e taumaki i ngā akoranga, te whakaako tētahi ki tētahi hoki. E whakaniko ana tēnei mom oi ngā pūkenga matapaki, me te whakapakari i ngā uara ahurei kei roto i te Puna reo.
Mā tēnei āhuatanga ako e tipu ai he whakaute nui mō ngā tamariki e noho tangata whenua ana ki ēnei whenua, ā, e whenua ai ngā uara o Ngāti Whātua Ōrākei me te tīrewa i te motuhaketanga o tēnei ara whanake ki roto i ngā akoranga tuatahi a te tamaiti.
